Las punts da Tavanasa – tragedias, traffic ed istorgias

In inschigner da renum mundial, ina bova ed ina nova punt ch'è oz dentant la veglia.

Cura che la bova ha stgarpà davent il 1927 la punt e custà la vita a 7 persunas, era Alice Cathomas ina matteta.
Legenda da maletgs: Cura che la bova ha stgarpà davent il 1927 la punt e custà la vita a 7 persunas, era Alice Cathomas ina matteta. Foto: wilfried-dechau.de/Nossa Punt

A Tavanasa giogan las punts ina rolla centrala. La punt nova, inaugurada l'onn passà, la punt veglia ch'ins ha gist sanà, e lura quella ch'è ida cun la bova e che n'exista betg pli. Fin oz è dentant lezza, la punt da Robert Maillart, la pli enconuschenta, perquai ch'ella era spectaculara per ses temp.

Alice Cathomas era in mattetta, cura che la bova ha stgarpà il 1927 davent quella punt e custà la vita a set persunas. Era ses tat è mort en la bova. L'ustiera e mussadra Alice Cathomas, l'inschigner da punts Jürg Conzett, l'autur da Tavanasa Arno Camenisch, Rita Cathomas-Bearth ch'è sengaschada per il mantegniment da la punt veglia e l'etnolog e schurnalist Peter Egloff ch'è sa mess sin ils fastizs da l'istorgia da las punts – els tuts èn colliads en lur moda cun ina u pliras punts da Tavanasa.

Redacziun: Esther Berther