La Marella per suns e champagnas – questa giada en Grezia

Ina tur sin la mar en Grezia.
Legenda da maletgs: La Marella va sin viadi en Grezia. Dreamstime

La Marella fa vacanzas e va sin viadi. Per suns e champagnas essan nus en gir - questa giada en Grezia. La Grezia è la patria d' Alexis Sorbas, ses motto da viver: «Ama la vita e na tema betg la mort». Suenter che sia construcziun enorma è crudada ensemen, sauta e ri Sorbas il Grec, da schluppar.

Cun ses motto en giaglioffa tadlain nus musica da Mikis Theodorakis, Maria Farantouri, Charis Alexiou e Giorgos Dalaras. Musica che gida da tegnair ora la brama saja quai la Mediterrana, quella da la mar u tgenina er adina.
Redacziun: Chatrina Gaudenz

Autur/a: RTR/td