Siglir tar il cuntegn

Header

Navigaziun

Legenda: Tadlar il audio L’assassinat da Maria Catrina Derungs da Trun. Durada 35:55 minutas.
Or da Marella dals 11.08.2019.
cuntegn

Marella L’assassinat da Maria Catrina Derungs da Trun

El garegia ella. Ella sa lascha surmanar. Ella vegn en speranza e pretenda ch'el maridia ella. El na vul betg, ed uschia mazza el ella. El vegn sentenzià a la mort, quai sco ultima persuna en il Grischun.

Ils 2 da fanadur 1847 chattan ins a Trun sper il Rain ina dunna da 36 onns assassinada a moda bestiala. Immediat entschaivan il mistral Arpagaus ed ils dus langeghers cun las investigaziuns.

Tar in dunna che è vegnida mazzada uschia bestialmain a la riva dal Rain e che era lura er anc en speranza han ins immediat suspectà persunas dal conturn.
Autur: Rico TamborninoAutur

L’autur Rico Tambornio ha scuvert mo per cas las actas dal process da l’assassinat da Maria Catrina Derungs. Ordlonder ha el lura sviluppà in roman criminal-istoric. Il cudesch «Il scutinem dallas olmas» è cumpri la stad passada.

Fotografia dal chau da Rico Tambornino
Legenda: L'autur Rico Tambornino MAD Chasa Editura Rumantscha

Ensemen cun l’autur, cun l'istoricher Martin Camenisch e cun extracts or dal cudesch preschenta la Marella l'istorgia da Maria Catrina Derungs e da ses assassin Giachen Condrau Spescha. El è la davosa persuna che ins ha executà en Grischun.

Jau sun segir, che il Spescha na fiss betg vegnì executà sche el avess comess il crim 10 onns pli tard.
Autur: Martin CamenischIstoricher

La dumonda da grazia dal Giachen Condrau Spescha è vegnida refusada dal Cussegl Grond dal chantun Grischun l'atun 1847 cun 31 encunter 26 vuschs.

Fotografia da las acta istoricas dal 1847
Legenda: Actas 1847 En l’archiv dal stadi dal Grischun pon ins avair invista en las actas dal cas criminal enturn l’assassin Giachen Condrau Spescha. RTR, Astrid Alexandre

Questa Marelle è vengnida realisada la stad 2018.