Siglir tar il cuntegn

Header

audio
RTR, Mathias Kundert
laschar ir. Durada: 56 minutas 58 Secundas.
cuntegn

L'Armenia – ina naziun loscha che na vegn betg ord las stretgas

L'Armenia è il pajais da focus da l'acziun «2xNadal» da quest onn, damai in pajais che dovra agid. Ma l'Armenia è bler dapli: Ina da las pli veglias civilisaziuns cristianas, che ha survivì en ina regiun turbulenta gist sin ils cunfins religius a l'ur dal Proxim Orient.

Download

In pajais cun ina istorgia greva, ch'è anc ozendi en ina situaziun geopolitica spinusa: La giuventetgna armena è orientada vers il vest, ma economicamain e militarmain è l'Armenia dependenta da la Russia. Ils dus pli gronds cunfins èn serrads, perquai che l'Aserbaidschan e la Tirchia èn inimis. I resta be il cunfin cun l'Iran e cun la Georgia, che ha gì ina guerra cun la Russia.
En questa terra muntagnusa vivan gnanc trais milliuns persunas.
La Marella ha fatg ina visita en l'Armenia, ed ha chattà in pèr projects ch'existan be grazia al sustegn che vegn dal Grischun: Heidi Kind da Cuira rimna dapi blers onns per pudair gidar scolinas, chasas per uffants impedids ubain persunas en gronda miseria.
Ina visita che commuventa, che inspirescha, ma che tschertga era respostas.

Redacziun: Mathias Kundert

Contact per l'organisaziun Little Bridge:

Little Bridge Geschäftsstelle
Via Giacometti 134
7000 Cuira

heidi.kind(AT)bluewin.ch

Dapli da «Marella»

Scrollar a sanestra Scrollar a dretga