Jon da las Rossas

Ina docu-ficziun davart la vita e l'istorgia dal famus nunenconuschent Jon Luzzi (1856-1948), il Don Quichotte da Strada.

G. Luzzi
Legenda da maletgs: Giovanni Luzzi MAD

Jon Luzzi è naschì a Strada, creschì si sco figl d'in randulin engiadinais a Lucca en Italia. Là studegia el teologia, fa gronda carriera sco professer d'universitad e lavura per 25 onns vid la translaziun da la Bibla en talian modern, cun la finamira da render la Sontga Scrittira accessibla a tuttas e tuts. Quai è quella giada en l'Italia catolica, nua che la Bibla en latin è reservada mo per paders e prers, in act revoluziunari. Ses spiert ecumenic e progressiv frunta dentant sin opposiziun, saja quai protestanta sco era catolica.

Cun ina docu-ficziun fa la Marella reviver durant in'ura la vita straordinaria dal «Jon da Rossas» ch'è daventà famus sco Giovanni Luzzi – in viadi radiofonic ch'ans maina da Strada a Lucca, da là en Scozia ed en America per turnar lura a Roma ed en il Puschlav.

Idea e concept da quest'emissiun vegn dà Daniel Bilenko (RSI). Grazia fitg ad el ed a la squadra da Rete Due. Versiun e realisaziun rumantscha Guadench Dazzi, cun las vuschs dad Anna Serarda Campell, Arnold Rauch e Tobia Valär. Sustegn tecnic: Not Franziscus e Gioni Alig.

Cudeschs:

  • Giovanni Luzzi: Dall'alba al tramonto. Appunti autobiografici. Firenze 1934
  • Giovanni Luzzi: Algordanzas d'ün vegl vallader, da Dr. Jon Luzzi da las Rossas, Ristampa separada dal Tramagliunz 1938
  • Hans-Peter Dür: Der Engadiner Giovanni Luzzi als theologischer Kommunikator zwischen Nord und Süd. Zürich 1992

Autur/a: Daniel Bilenko, Redacziun: Guadench Dazzi