Siglir tar il cuntegn

Header

audio
MAD Servetschs dal parlament da l'Assemblea federala, Berna
laschar ir. Durada: 49 minutas 51 Secundas.
cuntegn

Glistas, chaus e cifras – prolog electoral

Entant che tuts spetgan mo mirveglias sin ils emprims resultats da las elecziuns dal Cussegl naziunal e Cussegl dals chantuns, porscha la Marella in prolog cun istorgias, fatgs e cifras da l'elecziun actuala e dals cumbats dal passà.

Download

Dapi exact 100 onns tschernin nus il Cussegl naziunal tenor il sistem da proporz. Las elecziuns dal 1919 èn stadas pli che turbulentas ed han manà ad ina cesura en la topografia politica dal Grischun. Passa 80% dals votants grischuns èn ids a l'urna ed ì ha durà 4 dis enfin ch'igl era cler tgi che po ir 1919 a Berna. Oz vegnan dumbradas las vuschs e fatg ils quints en paucas uras, e var 99% da quels e quellas che dattan giu lur vusch fan quai per posta.
Cun Walter Frizzoni, il vicechancelier dal Grischun, dain nus in sguard a quai che curra e passa questa fin d'emna en ils differents biros electorals en il Grischun e dumandain co precis ch'ins fa quint e scumparta la finala ils sezs.
Nus faschain er in pau statistica: dapi il 1848 han 82 umens e quatter dunnas represchentà il Grischun en la Chombra gronda a Berna. Tgi ha gì ils davos 171 onns las meglras cartas per ir Berna, tgi è stà mo in pèr mais e tgi per 34 onns? E nus dain in sguard sin il di d'elecziuns: tge ans spetga, tge para d'esser cler, nua datti ils gronds segns da dumonda e cura èn da spetgar tgenins resultats?

Dapli da «Marella»

Scrollar a sanestra Scrollar a dretga