Fans – cura ch’ils sentiments buglian

Els schelan ils pais e suan ils mauns, els sdiavlan e bragian, els sbragian e chantan, e tut quai durant be 90 minutas – ils fans da ballape.

Ballape po chaschunar ina pluna emoziuns.
Legenda da maletgs: Ballape po chaschunar ina pluna emoziuns. RTR / Esther Berther / Carla Gartmann

Patrizio Repole è in veritabel fan dal AC Milan e quai dapi prest 30 onns. Sch'el discurra da ses club, di el adina mo «nus». Saja quai en il stadion u a chasa davant la televisiun, il ballape procura per puras emoziuns. Alessio e Pablo Schmed èn frars. Sco il bab èn era els veritabels fans dal FC Bayern München, e quai en buns e main buns temps. Quai saja impurtant – esser qua per il club, era schils giugaders na dettian ina giada betg uschè bain. La Marella è s'inscuntrada cun ina pluna fans da ballape e lascha era declerar il psicolog da sport Robert Buchli, pertge che fans pon insumma sentir talas emoziuns.

Redacziun: Esther Berther