È il 1967 il vair 1968?

«Flower Power», hippis e revoltas da giuventetgna - quai devi gia avant las revoltas dal 1968! En ina collascha da tuns e regurdientschas sa dumonda La Marella, sch'il 1967 è forsa stà il vair 1968.

1967 – il motto dals hippis era “far l’amur enstagl la guerra”
Legenda da maletgs: 1967 – il motto dals hippis era “far l’amur enstagl la guerra” Pixabay

La «stad da l'amur» dals hippis cun lur motto «amur enstagl guerra».
Ils cravals a Turitg suenter in concert dals Rolling Stones.
«Sgt. Pepper» – l'album legendar dals Beatles.
Protests encunter la guerra dal Vietnam.
Demonstraziuns e rebelliuns dals Afroamericans.
Quai tuna forsa da 68, mo quai ha tut gì lieu en il 67!

50 onns pli tard sa regorda Benedetto Vigne, co ch'igl era d'avair 16 onns en quest onn turbulent. E cun l'istoricra Silke Redolfi dat La Marella in sguard sin ils fastizs che quest onn ha laschà en nossa societad.

Autur/a: Astrid Alexandre