Siglir tar il cuntegn

Header

Navigaziun

Legenda: Tadlar il audio Cura es Ti ventiraivel?. Durada 45:57 minutas.
Or da Marella dals 14.07.2019.
cuntegn

Marella Cura es Ti ventiraivel?

Questa dumonda ha La Marella tschentà ad audituras ed auditurs sco er a persunas che sa fatschentan er ord motivs professiunals cun la fortuna.

Tenor il filosof Iso Camartin s'occupan gia ils texts ils pli vegls cun la dumonda: «Tge ston ins far per savair esser pli u main ventiraivel?» Divers filosofs grecs eran da l’avis che la vita haja mo senn, sch'ella saja er colliada cun plaschairs. Per auters eri gia avant passa 2'000 onns cler:

Daventar ventiraivel sul sulet è in chaussa quasi nunpussaivla.
Autur: Iso Camartinfilosof

La scienza actuala di che mo 10% da nossa ventira dependia da las circumstanzas e noss conturn, pia sche nus avain ina bella chasa, in bun job, uffants u bleras vacanzas. Ed il rest?

Marina Berini, docenta per l'uschenumnà «Schulfach Glück», di: «Savair esser engraziaivel è la pli gronda forza en favur da la ventira.»

Fotografia dal chau da Marina Berini
Legenda: Marina Berini Docenta per ventira. MAD

Tge che fa ventiraivel nossas audituras ed auditurs è fitg individual. Ina constanta para dentant dad esser la natira.

Ventira? Trair en il chalzers da muntogna e far si bain las curegias, lura va la ventira davant ils pes si enfin sisum sco in chametg, mo ir, ir, ir...
Autur: Auditura dad RTR

La Marella sa metta a la tschertga da la ventira, da sias ingredienzas e las differentas strategias per daventar fortunà.

In placat cun l'inscripziun: Ich liebe mein Leben
Legenda: RTR, Astrid Alexandre

RR La Marella 09:00