Magdalena Popescu-Marin viva a Bucarest e tgira relaziuns intensivas cun la Rumantschia. Dapi onns retschertga, scriva ed edescha ella cudeschs ed artitgels sur dal rumen e sur dal rumantsch. Dunna Magdalena ha inscuntrà il rumantsch be per cas - inscuntrond ad Augustin Maissen. Ed il rumantsch è daventà in nov dachasa per ella.
Dana Grigorcea è creschida si a Bucarest e viva oz a Turitg. Cun ses roman «Das primäre Gefühl der Schuldlosigkeit» turna l'autura da Turitg a Bucarest e descriva en tudestg quai che stat ad ella a cor. Dana Grigorcea ha chattà en il tudestg in nov dachasa.
En la Marella inscuntrainsa duas dunnas rumenas e lur passiun per linguas estras.
Redacziun: Chatrina Gaudenz
