«Cumprau!» – il microfon na di betg manzegnas

Producziuns da chant e musica da RTR fineschan fitg savens cun il pled magic «cumprau». Chantadurs e dirigents raquintan en questa «Marella», quantas giadas ch'els han spetgà be brama sin quest pled.

El è la persuna che ha fabrichà si l'entira producziuns da musica en chasa RTR.
Legenda da maletgs: El è la persuna che ha fabrichà si l'entira producziuns da musica en chasa RTR. RTR

Dapi 35 onns fa RTR producziuns da musica en atgna reschia. L'archiv è creschì fin oz sin passa 11'000 titels. Mario Pacchioli u era Judit Scherrer raquintan da lur emprimas registraziuns, Retus Giger dals frusts directamain suenter ina registraziun e Giusep Giuanin Decurtins da sias experientschas en passa trais decennis. Els, dentant er blers chantadurs, dirigents ed er noss tecnicists, han fatg las pli differentas experientschas cun registraziuns.

Ed ina chaussa è clera – microfons na din betg manzegnas.

Autur/a: Esther Berther