Champiunadi mundial 2017 a San Murezzan - Arda il fieu gia?

Dapi il matg 2012 è enconuschent che San Murezzan po organisar ils champiunadis mundials da skis 2017. Per ils Engiadinais è quai la 5avla ediziun suenter 1934, 1948, 1974 ed anc en buna memoria: l'onn 2003.

in fieu bangal per il champiunadi mundial da skis a San Murezzan il 2003
Legenda da maletgs: L'onn 2003 era il fieu ì vi sin la populaziun RTR

L'euforia ed il fieu èn stads gronds tar l'eveniment avant 13 onns. Surtut la solidaritad tranter ils Voluntaris resta nunemblidaivla. Ed oz? Il comité dorganisaziun vul realisar mastranzas mundialas autenticas l'onn proxim. L'idea è d'integrar er questa giada la populaziun en l'organisaziun, che dovra en tut passa 1300 gidanters. La societad è dentant sa midada ils ultims onns, ils meds dinfurmaziun èn numerus e la prontadad da s'engaschar voluntarmain na sa chapescha betg pli da sasez.

Anc na sent'ins era betg bler dal fieu che duess arder per ils champiunadis mundials da skis il favrer en in onn. La Marella va en tschertga da l'euforia e la passiun per in eveniment cun aspect internaziunal.

Dumengia, ils 14 da favrer 2016 a las 09 h – repetiziun, gievgia, 18-02-16 a las 20 h

Redacziun: Anna Caprez

Autur/a: RTR/sc