Uorsin ni Ursli – in num va tras il mund

Il buob cun la plumpa, las chautschas in pau curtas e la chapitscha da tingalin, el è puspè fitg preschents. Actualmain vegn numnadamain fatg in film dal fitg enconuschent cudesch d'uffants Grischun, il cudesch da Selina Chönz ed Alois Carigiet. Chasper Pult ha per quest motiv tschernì Uorsin sco num dal mais ed el raquinta da l'istorgia d'Uorsin, sia muntada e las specificas atgnadads en las diversas translaziuns. Uschia ves'ins per exempel er, che Uorsin na mangia betg en mintga vallada rumantscha il medem.

En la «Litteratura» ans fatschentain nus questa giada cun comics rumantschs. Esther Krättli preschenta la reediziun d'ina collecziun dals comics da Paulin Nuotclà e lascha uschia reviver las figuras legendaras da Baldi, Niccal e Jaquan. 

Redacziun Esther Berther

Contribuziuns

Autur/a: RTR/cl