Lescha da cultura: Consultaziun a fin – ed ussa?

Ils 15 d'avrigl è ida a fin la consultaziun dal sboz da la revisiun totala da la lescha chantunala per promover la cultura.

Anc ditg betg a fin è persuenter la discussiun en chaussa. Il minister da cultura grischun Martin Jäger na dat betg pled e fatg davart las propostas e criticas inoltradas durant la consultaziun. Ma las discussiuns da podi al teater da Cuira han mussà la cumplexitad dal tema e las differentas posiziuns. Il Magazin da cultura dat en l'ediziun actuala in tgit sin quai ch'è vegnì ditg e discutà ils davos mais puncto nova lescha da cultura.

Ed in tgit pli intensiv rendi er da dar sin las fotografias da Lisa Gensetter da Tavau. La Fundaziun grischuna per fotografias ha archivà radund 10'000 fotografias en alv e nair da la fotografa da Tavau. Nus lain savair: Tgi era Lisa Gensetter? E tge ha ella fotografà?

Mirveglias ha dal rest er nossa redactura da litteratura Esther Krättli. Ella discurra en quest magazin cun la presidenta da l'Uniun per la litteratura rumantscha Silvana Derungs.

Redacziun: Rafael Müller

Contribuziuns

Autur/a: RTR/dh