La chanzun rumantscha – in festival ed ina dissertaziun

La gronda protagonista da quest'emissiun è la chanzun rumantscha. Il Magazin da cultura tracta dus temas ch'han bain pir lieu la primavaira 2019, ma che fatschentan gia ussa: in festival ed ina dissertaziun, omadus deditgads al chant rumantsch.

Per il musicist Clau Scherrer è la chanzun rumantscha sco ina bella planta cun fermas ragischs. Ma sch'ins na tgiria betg ella, na possian novs brumbels betg cumparair. Perquai è ina concurrenza da cumposiziun vegnida lantschada en connex cun l'emprim «Festival da la chanzun rumantscha». Quai duai motivar cumponistas e cumponists da crear novas ovras per chor.

En ina segunda part discurra il Magazin da cultura cun la musicologa Laura Decurtins che publitgescha en bun in onn sia dissertaziun. Quest cudeschun emprova da dar ina survista sur trais tschientaners da chant rumantsch.

Cun Esther Krättli sfegliain nus en il nov cudesch da Linard Bardill, ina publicaziun entitulada «Furbaz e Lumpaz – Tschareschas d'enviern».

Contribuziuns

Autur/a: Astrid Alexandre