«Jau sai sulet discurrer ed esser Bänz Friedli»

Il cabarettist ed autur Bänz Friedli visita mintga enviern il Grischun per far vacanzas d'enviern.

Sin pista è el cun si'aissa, e tranter ils dis da vacanzas fa el mintgamai anc ina producziun. Era ses nov program ha el scrit en il Grischun. Ses program è adattà al lieu – questa giada a la Surselva. Tadlar ed avrir ils egls, la vita porschia detg'avunda material per la tribuna, di Friedli.

Nus avain era visità Jeff Lleshi a Zuoz. Là ha l'um oriund da la Grezia ina gallaria, nua ch'el preschenta ses art. Objects da decoraziun sco era mobiglias fatgas da laina da grava da Corfu e da l'Engiadina. Uschia sa sentia el era bain en la gallaria – cun materials dad omaduas patrias.

En la rubrica litterara preschentain nus il nov crimi «Tod am Beverin» da Rita Juon. È l'accident mortal d'in turist tudestg forsa in murdraretsch? E tge san ils abitants dal vitg?

Contribuziuns

Autur/a: Esther Berther