Siglir tar il cuntegn

Header

Navigaziun

cuntegn

Dumondas or dal chapè In chapè plain dumondas

Sun jau in asen? Nua èn mias clavs? Fiss jau in bun Giapunais? Talas ed autras dumondas surprendentas, banalas e filosioficas fa il Magazin da cultura en sia seria da stad «Dumondas or dal chapè». Las respostas vegnan a dar persunalitads or dal mund da la cultura grischuna.

Durant la stad sa preschenta il Magazin da cultura en in nov vestgì: Persunalitads or dal mund da la cultura grischuna respundan a dumondas insolitas or d'ina publicaziun dal duo d'artists Peter Fischli & David Weiss.

A pled vegnan la stad 2019 persunas da fitg differentas spartas culturalas – musica, architectura, art figurativ, teater:

Il decurs da la stad suondan ulteriuras emissiuns cun:

  • Rees Coray,
  • Ursina Giger,
  • Esther Schena e
  • Men Duri Arquint.

Il cudesch da las dumondas

Titel da cudesch
Legenda:La publicaziun dal duo d'artists Peter Fischli e David WeissRTR

Il duo d'artists Peter Fischli e David Weiss ha lavurà ensemen dapi il 1979, enfin a la mort da David Weiss (2012). Sco duo tutgavan els tar ils pli renconuschids artists contemporans da la Svizra. Lur pli enconuschenta ovra è stada il film «Der Lauf der Dinge» ch'è daventà dal 1987 in success tar il publicum da la «documenta 8». En general han els dus sa servì dad ina paletta fitg largia d'expressiun – installaziuns multimedialas, fotografias, films, sculpturas e publicaziuns. Ina da las publicaziuns divertentas e surprendentas è «Findet mich das Glück» – cun dumondas banalas e tuttina existenzialas da mintgadi. Ed era quella publicaziun è daventada in success e tutga tar ils cudeschs d'art vendids il pli bain insumma.

Publicaziun: Peter Fischli e David Weiss – «Findet mich das Glück?», Chasa editura Walther König, 2013.

Las dumondas or dal chapè da la stad 2018

RR Dumondas or dal chapè 11:00