Corin Curschellas - «jau vai gì in enorm cletg»

Corin Curschellas - la dunna da viadi. Quest onn festivescha ella ses 60avel.

Ella è semper sin viadi. La Corin Curschellas. Sco mattina scappav'ella spir marveglias ord la sablunera, sco dunna è ella stada fitg bler sin viadi. Adina spir marveglias e quai da continent tar continent – tranter differents stils da musica e mastergns. Corin Curschellas di ch'ella saja adina ida vinavant e gì il cletg dad adina avair ina massa buna glieud enturn ella. Maridar ed avair famiglia na saja betg stà sia via. La dunna che festivescha quest onn ses 60avel raquinta da ses viadis, sia vita e sia vegliadetgna.

En la rubrica «Cudeschs per uffants» preschentain nus il nov cudesch illustrà «nosch» che quinta dals animals dal bain puril ch'èn per il solit chars, che vulan però esser mintgatant in pau nauschs.

Redacziun: Esther Berther

Contribuziuns

Autur/a: rtr/eb