Roger Cicero - mort cun be 45 onns.

In infarct dal tscharvè ha chaschunà la mort prematura dal musicist tudestg da jazz e pop Roger Cicero, ils 24 da mars passà.

Legenda da maletgs: warner music

Sco figl dal jazzist rumen-tudestg Eugen Cicero aveva Roger Cicero giudì ina scolaziun profunda da jazz. Suenter diversas cumparsas en ensembles respectivs ha Cicero lantschà l'onn 2006 ina carriera da solist, sa concentrond sin ina chanzun tudestga tranter swing e pop. Ils titels da ses albums revelan ina tempra umoristica che gioga cun il cumbat dals genders: «Männersachen», «Beziehungsweise», «Artgerecht». Ultimamain ha Roger Cicero publitgà in album tribut a las chanzuns da Frank Sinatra. Durant la promoziun da quell'ovra è il musicist mort nunspetgadamain. En «La Perlas» in omagi exclusiv.

Redacziun: Benedetto Vigne

Autur/a: RTR/bv