Prince - Mort d’ina icona

A Minneapolis è mort ils 21 d'avrigl il musicist Prince, a la vegliadetgna da be 57 onns.

Cun Prince è mort ina da las figuras las pli marcantas da la musica pop. Sco paucs auters ha quest chantant, ghitarrist e producent american savì cumbinar erotica e tuns, e sia mixtura da funk, rock e jazz ha influenzà entiras generaziuns dapi ils onns '80. En «Las perlas» udin nus ina rimnada da ses pli gronds hits, alternond cun inquala truvaglia or da sia vasta discografia.

Redacziun: Benedetto Vigne

Contribuziuns

  • Prince Roger Nelson (1958 – 2016)

    Las perlas dals 07-06-2013 - Prince

    55 onns cumplenescha Prince quest venderdi. Ina chaschun per tadlar in pèr da las pli bellas chanzuns da quest monument american. Per exempel ses famus «Purple Rain» en versiun integrala. Ubain ina truvaglia psichedelica sco «Mountains».

    Ubain ina skizza jazzusa pli recenta sco «Musicology» ...

    Redacziun: Benedetto Vigne

Autur/a: RTR/cl