Omagi a Carlos Santana

Il pionier dal rock latinamerican ha celebrà dacurt ses 70avel anniversari.

Legenda da maletgs: keystone

«Samba Pa Ti», «Oye Como Va» ed «Europa» - spir hits nunemblidaivels dal ghitarrist mexican-californian Carlos Santana e sia gruppa. Santana ha gì fatg furora al festival da Woodstock 1969 cun sia maschaida da blues, melodias latinamericanas e ritmus africans. Ma er suenter sia fasa meditativa ha el anc intgantà las massas cun diversas represas furiusas, turnond il 1999 en in incredibel comeback internaziunal cun l'album «Supernatural». E punctual sin ses 70avel anniversari surprenda il musicist ses fans cun ina collavuraziun da soul cun ils venerabels Isley Brothers.

Autur/a: Benedetto Vigne, Redacziun: Benedetto Vigne