Ils Rolling Stones psicadelics

Regurdond in album bunamain emblidà.

Segund l'exempel dals Beatles e lur epocal «Sgt. Pepper» han er ils Rolling Stones empruvà l'onn 1967 da chavaltgar l'unda psicadelica, ed han furnì il december da lez onn in album detg stravagant cun il titel provocativ «Their Satanic Majesties Request», quasi: sin il giavisch da sia maiestad satanica. L'ovra svegliava varts detg caoticas, improvisadas, ed è perquai er stada ditg contestada. Ma ella cuntegna er varsaquants tuns nunemblidaivels, sco p.ex. la sublima ballada «Shes a Rainbow». Precedì l'album ha la single imnica «We Love You/Dandelion».

Autur/a: Benedetto Vigne