Il jazz da Ella Fitzgerald

La gronda corifea vocalica dal jazz avess 100 onns.

Legenda da maletgs: keystone

Ella vegniva magari numnada la «First Lady Of Song». Sia vusch era pura e perfetga, sia frasaziun ed intunaziun impeccabla, e surtut aveva ella in dun improvisatoric straordinari, la famusa Ella Fitzgerald. Ella ha embellì las big bands da Chick Webb e da Benny Goodman, ella ha popularisà en l'èra dal bebop il uschenumnà scat – il chant improvisà cun silbas da nonsense, ella ha duettà cun Louis Armstrong ed ha la finala perfin ristgà d'intunar il pop modern. Ils 25 d'avrigl avess Ella Fitzgerald cumplenì 100 onns – in purtret musical.

Autur/a: Benedetto Vigne