Brian Wilson en concert

Il renumà cumponist american celebrescha 75 onns.

Legenda da maletgs: keystone

Sco musicist da tribuna aveva Brian Wilson gì bandunà ils Beach Boys gia il 1965, sco cumponist ha el lura, causa da malsogna, pers sia influenza suenter l'onn 1970. Ma las chanzuns ch'el ha scrit avant valan sco grondiusas perlas da la musica moderna americana.

L'onn 2000 ha Wilson dà ses emprim concert sut agen num, accumpagnà da la gruppa The Wondermints, reciclond ina bella part da ses repertori oriund, davent da «In My Room» sur «California Girls» enfin «Good Vibrations». Ils 20 da zercladur ha Wilson cumplenì 75 onns; ils 9 da fanadur vegn el a cumparair al festival da Montreux.

Autur/a: Benedetto Vigne