Ad Aretha Franklin sin ils 75

La regina dal soul celebrescha grond anniversari.

Legenda da maletgs: keystone

«Respect» ha Aretha Franklin pretendì avant 50 onns, en sia chanzun emprestada dad Otis Redding. La chanzun è daventada in imni betg mo da l'emancipaziun naira, mabain dal cumbat per ils dretgs civils per l'entir mund enturn (betg per cas ch'ella figurescha a la fin dal film svizzer actual «Die Göttliche Ordnung»). Ma la chanzun n'è betg l'unic success da la diva naira: Aretha Franklin, ch'ha cumenzà sia carriera sco giuvna interpreta da gospels, ha gì ina rotscha hits en ils onns 60 ed ha pudì repeter tals er decennis suenter, sco per exempel il duet cun Annie Lennox ch'ha in sumegliant messadi sco il hit cità: «Sisters Are Doin' It For Themselves» - «soras guardan per sasezzas».

Autur/a: Benedetto Vigne