50 onns Sgt. Pepper

L'ovra cardinala dals Beatles ha mess terms

Legenda da maletgs: openculture.com

Davant paradeschan ils protagonists vestgids da musicants militars museals, circumdads dad ina rotscha da corifeas culturalas. La cuverta signalisescha damai in concept integral. Cun lur «Sgt. Peppers Lonely Hearts Club Band», sortì la primavaira 1967, han ils Beatles de facto marcà l'album sco in'unitad artistica, mettend uschia terms per la cultura da pop vegninta. Nundir da las singulas chanzuns, colliadas d'in fil cotschen: «With a Little Help From My Friends», «Lucy In The Sky With Diamonds», «When Im Sixty-Four», «A Day In The Life». Ina veritabla capodovra.

Autur/a: Benedetto Vigne RTR, Moderaziun: bv, Redacziun: bv