La band die Schäfer da la Germania po festivar quest onn lur 25avel giubileum da tribuna. Per quest grond event han els edì in disc da giubileum cul titel «Heute ist Morgen Gestern». La Stailalva preschenta quest disc e raquinta natiralmain era intginas istorgias; lur segn d'enconuschientscha - els en adina pe blut sin tribuna.
Plinavant preschentain nus il disc «Die Sonne scheint für alle» dals Kastelruther Spatzen. La band dal Tirol dal Sid fa gia dapi varga 30 onns cun success musica. Els han recaltgà trofeas tut a dubel, sa sch'els han era success cun il disc nov? Intgin da vus ha segir success. Nus avain pront in disc dals Kastelruther Spatzen e cun in zichel cletg pudais vus gudagnar el. Bun divertiment e buna fortuna!
Redacziun: Christa Soliva
