Serenadas da Mozart

Purtret da Wolfgang Amadeus Mozart.
Legenda da maletgs: Wolfgang Amadeus Mozart. KEYSTONE

«Mir war, als hätte ich eine Stimme Gottes gehört...» quai duai Antonio Salieri avair ditg, cura ch'el ha udì l'emprima giada l'Adagio da la «Gran Partita» da Wolfgang Amadeus Mozart. Questa serenada è in'ovra fitg misteriusa da Mozart. Nagin che sa, cura u per tgi ch'el ha scrit ella. Ins suppona dentant che Mozart haja scrit la «Gran Partita» sco regal da nozzas per sia dunna Constanze. Tge spusa ventiraivla! Lura la serenada «Eine kleine Nachtmusik». Tuts enconuschan ella, dentant: cura avais vus davairas udì ella l'ultima giada?
Redacziun: Rosvita Barenius

Autur/a: RTR/td