Richard Wagner (1813 – 1883)
- Dumengia, 7.8.2016, 19:00
Termins da l'emissiun
-
Emprima emissiun:
- Dumengia, 7.8.2016, 19:00, RTR
Il cumponist ch'ha dà in linguatg nov a l'orchester e ch'ha uschia fullà via per cumponists sco Bruckner, Mahler u Strauss.
Legenda da maletgs:
Il cumponist Richard Wagner
KEYSTONE
Richard Wagner n'è betg mo stà in scheni pervia da la construcziun dramatica da sias ovras. El è stà il cumponist ch'ha dà a l'orchester ina rolla dal tuttafatg nova: el ha laschà sa sviluppar il linguatg da l'orchster, ha prendì davent da l'orchester la funcziun da «mo accumpagnar» e da dar il fundament als chantadurs. Cun Wagner ha l'orchester survegnì ina nova pusiziun – ina exponida. Vus udis uverturas e parts da sias operas ed ovras d'art: «Tannhäuser», «Meistersinger» e «Götterdämmerung».
Redacziun: Rosvita Barenius