Heinz Holliger è in oboist da renum mundial, in dals pli remartgabels musicists vivents da la Svizra. La fin d'emna passada ha el survegnì per la secunda giada il «Premi Svizzer da musica». Quella distincziun dal Uffizi federal da cultura è dotada cun 100'000 francs.
En «La Classica» tadlain nus co Heinz Holliger suna musica da cumponists che han adina accumpagnà el: Johann Sebastian Bach e Robert Schumann. Ma Heinz Holliger vala er sco il scuvrider dad in cumponist contemporan da Bach, in che viveva schizunt damanaivel da lez: Jan Dismas Zelenka (1679-1745).
Tge che Bach manegiava da quel talent, e co che Heinz Holliger suna sia musica, udis vus en La classica.
Redacziun: Rosvita Barenius
