Musica per la festa da Pasca

La classica cun musica da Rimski-Korsakow, Vivaldi e Bach.

Nikolai Rimsky-Korsakow (1844-1908)
Legenda da maletgs: Nikolai Rimski-Korsakow e sia musica per Pasca MAD

La classica porta trais ovras differentas da caracter e da derivanza. L'uvertura concertanta «Swetly prasdnik - Las Pascas russas» sa basa sin melodias da la liturgia russ-ortodoxa munidas cun citats biblics. 1887/88 ha Nikolai Rimski-Korsakow scrit quella musica sco omagi a ses dus collegas Mussorgski e Borodin. 200 onns pli vegl è il renumà Gloria in D d'Antonio Vivaldi. 12 parts cuntegna quest'ovra cumponida per 3 vuschs da solo, chor ed orchester. Dal medem temp datescha l'oratori da Pasca da Johann S. Bach. Nus udin l'emprima part, la sinfonia. 

Ils titels en l'emissiun

TITELCUMPONISTINTERPRET
Ouvertüre «Russische Ostern», op. 36Rimsky-Korsakow, NikolaiGöteborgs Symfoniker
Gloria in DVivaldi, AntonioSoli-Ensemble Vocal et Soli-Ensemble Instrumental de Lausanne
ord: Oster-Oratorium - 1. SinfoniaBach, Johann SebastianCollegium Vocale Gent / Orchester
Concerto in G-Dur - 1. AllegroVivaldi, AntonioI Solisti Veneti

Redacziun: Giusep G. Decurtins