Musica maiestusa da Händel

Mesa statua da Georg Friedrich Händel (1685–1759)
Legenda da maletgs: Mesa statua da Georg Friedrich Händel (1685–1759) Keystone

Georg Friedrich Händel è naschì a Halle. Propi carriera ha el però fatg en la Gronda Britannia, nua ch'el ha lavurà a la curt roiala. Mort è el il 1759 a Londra.

A la curt roiala a Londra ha el adina puspè survegnì incumbensas dal retg. Uschia ha el per exempel stuì cumponer musica adattada per sunar ordavert u pli precis sin in bastiment (Water music). Ed er per festivar la «Pasch dad Aachen» dal 1748 ha el survegnì in'incumbensa da la curt roiala. Per festivar la fin da la guerra ha il retg planisà in spectacul cun fieu artifizial e salvas d'onur. Händel ha gì l'incumbensa da cumponer musica che tegna pitg a la canera dals chanuns. La finala èsi però vegnì tut auter (Music for the royal fireworks).

Soundtrack per la Championsleague

Er ina melodia che cunzunt ils fans da ballape enconuschan oz, deriva or da la plima da Händel. Per cumponer l'imni da la Champions League è Tony Britten s'orientà il 1992 fitg ad in imni da Händel. Quel imni (Zadok the Priest) ha Händel cumponì oriundamain per las festivitads d'incurunaziun da King George II., l'onn 1727.

Il halleluja ord il Messias

Igl è forsa il pli pompus halleluja insumma ord l'oratori, il Messias che Händel ha cumponì il 1741. Il halleluja resuna a la fin da la segunda da trais parts. Cura ch'il retg George II. ha udì l'emprima giada quest imni, saja el stà tut commovì en pe. Dapi lura èsi usit ch'ils Englais stattan en pe per tadlar il halleluja da Händel.

TitelInterpretCumponist
Water music: 10. -Georg Kallweit (dir.), Akademie für Alte Musik BerlinGeorg Friedrich Händel
Water music: Menuet 1+2 (HWV 350/3)Georg Kallweit (dir.), Akademie für Alte Musik BerlinGeorg Friedrich Händel
Zadok the priest John Eliot Gardiner (dir.); Monteverdi Orchestra, London; Monteverdi ChoirGeorg Friedrich Händel
Ombra Mai FuCecilia BartoliGeorg Friedrich Händel
Lascia ch'io piangaCecilia Bartoli, Christopher Hogwood (dir.), Academy of Ancient MusicGeorg Friedrich Händel
Music for the royal fireworks: 1. OuvertureJeanne Lamon (dir.), Tafelmusik Baroque Orchestra TorontoGeorg Friedrich Händel
Music for the royal fireworks: 2. BourréeJeanne Lamon (dir.), Tafelmusik Baroque Orchestra TorontoGeorg Friedrich Händel
Music for the royal fireworks: 3. La PaixJeanne Lamon (dir.), Tafelmusik Baroque Orchestra TorontoGeorg Friedrich Händel
Music for the royal fireworks: 4. La RéjouissanceJeanne Lamon (dir.), Tafelmusik Baroque Orchestra TorontoGeorg Friedrich Händel
Music for the royal fireworks: 5 Menuet IJeanne Lamon (dir.), Tafelmusik Baroque Orchestra TorontoGeorg Friedrich Händel
Music for the royal fireworks: 6. Menuet IIJeanne Lamon (dir.), Tafelmusik Baroque Orchestra TorontoGeorg Friedrich Händel
Halleluja (ord Der Messias)Alphons von Aarburg (dir.), Zürcher Kammerorchester, Zürcher SängerknabenGeorg Friedrich Händel
VivaceDaniil TrifonovChopin, Frédéric

Redacziun: Yvonne Simmen