Mozart e Clementi - dus concurrents al clavazin

La classica cun musica da Wolfgang A. Mozart e Muzio Clementi.

Mozart e Clementi - dus virtuos al clavazin
Legenda da maletgs: Wolfgang A. Mozart e Muzio Clementi - cumponists MAD

Mozart e Clementi: Dus schenis che han vivì quasi durant il medem temp. Els n'han regalà nagut in l'auter. Els èn stads concurrents – surtut al clavazin.

Muzio Clementi è naschì il 1752 a Roma. La gronda part da sia vita ha el vivì e lavurà a Londra. Il 1832 è el mort là. Wolfgang Amadeus Mozart è naschì quatter onns suenter Clementi. Mort è el dentant 41 onns avant Clementi.

Dus schenis, in pari

Mozart ha integrà ina melodia da Clementi en l'uvertura «Die Zauberflöte». E Clementi ha transcrit ovras sinfonicas da Mozart per piano. 1781 han els dus gì in cumbat pianistic a Vienna. Il resultat: in pari. Dapli en La classica!

Ils titels en l'emissiun

TITELCUMPONISTINTERPRET
Die Zauberflöte, uverturaMozart, Wolfgang AmadeusAcademy of St. Martin-in-the-Fields
Piano Concerto in C-majorClementi, MuzioSinfonieorchester St. Gallen & Howard Shelley, clavazin
Ouverture in D-majorClementi, MuzioPhilharmonia Orchestra
Piano Sonata Nr. 16, C-durMozart, Wolfgang AmadeusChristian Zacharias
Piano Sonata, op. 23/3Clementi, MuzioPietro Spada
Ouverture in C-majorClementi, MuzioPhilharmonia Orchestra

Autur/a: Giusep G. Decurtins