La classica cun musica sacrala da Mozart

Avant 225 onns è mort in dals gronds da la musica: Wolfgang Amadé Mozart.

Portrait von Mozart
Legenda da maletgs: Wolfgang Amadé Mozart MAD

Ina curta vita: be 35 onns! Wolfgang Amadé Mozart è mort ils 5 da december 1791 a Vienna. Sia musica vala anc oz sco simbol d'armonia cumplaina e sentiment da ventira. La classica porta musica sacrala dal grond maister austriac. Nikolaus Harnoncourt dirigia il Concentus musicus Wien, solistas vocalas da renum ed il Chor Arnold Schönberg. Nus udin: Laudate Dominum, Dulcissimum convivium, Exsultate jubilate, Venite populi, Benedictus sit Deus, Sancta Maria mater Dei, Alma Dei creatoris e Sub tuum praesidium.

Redacziun: Giusep G. Decurtins