Josias Just e l'orchester da chombra Turitg a Ziràn

Concert da giubileum «30 onns Josias Just solo-clarinettist en il ZKO».

30 onns Josias Just commember dal ZKO
Legenda da maletgs: Josias Just - solo-clarinettist en il ZKO MAD

Cumenzà ha tut il 1987 en la baselgia da Ziràn. Lezza giada è Josias Just sa preschentà sco solist. E ses sunar ha imponà il dirigent Edmond de Stoutz uschè ferm, ch'el ha engaschà directamain Josias sco solo-clarinettist en ses orchester. E 30 onns pli tard ha Josias dà là en la baselgia da Ziràn ses concert da giubileum. «La Classica» porta parts da quel concert dals 2 da fanadur 2017. Duas ovras da Wolfgang A. Mozart en A-Dur: Sinfonia Nr. 21, KV 134 e il Concert per clarinetta ed orchester, KV 622. Supplement: John Ratter: Lamento ord Magnificat en ina versiun per clarinetta ed orchester a cordas.

Redacziun: Giusep G. Decurtins