Hoffmeister e Krommer – cumponists da la segunda retscha

Franz Anton Hoffmeister (1754-1812) e Franz Krommer (1759-1831) eran da lur temp dus cumponists fitg renconuschids e populars.

Orchestra della Svizzera italian cun musica da Hoffmeister
Legenda da maletgs: Franz Anton Hoffmeister (1754-1812) - cumponist MAD

Els han lavurà a Vienna e quai dal temp da Mozart, Beethoven e Schubert.

Hoffmeister, cumponist e surtut editur da musicalias, era in bun ami da Mozart. Hoffmeister ha scrit 9 operas, 70 sinfonias, 42 quartets, serenadas e concerts. Dad el udin nus l'uvertura «Der Königssohn aus Ithaka» e la sinfonia en C-dur.

Franz Krommer ha survì a divers aristocrats ed il davos a l'imperatur Franz I. Krommer ha scrit da quai da 300 cumposiziuns, 9 sinfonias, 10 concerts, 80 quartets e musica sacrala. Dad el dudin nus dus moviments dal concert per duas clarinettas ed orchester, Es-Dur, op. 35.

redacziun: Giusep G. Decurtins

Ils titels en l'emissiun

TITELCUMPONISTINTERPRET
Der Königssohn aus Ithaka, opera - uverturaHoffmeister, Franz AntonOrchestra della Svizzera italiana
Symphony in CHoffmeister, Franz AntonOrchestra della Svizzera italiana
Concert per 2 clarinettas ed orchester en Es-Dur, op. 35 - Allegro & RondoFranz KrommerRadio-Sinfonieorchester Stuttgart des SWR, Dieter Klöcker & Waldemar Wandel, clarinettas
Symphony in D - 4. Allegro con brioHoffmeister, Franz AntonOrchestra della Svizzera italiana