Heinz Holliger: victur dal premi «Grand Prix Musik 2015»

Purtret da Heinz Holliger.
Legenda da maletgs: Heinz Holliger. SRF

Heinz Holliger è in oboist da renum mundial, in dals pli remartgabels musicists vivents da la Svizra. La fin d'emna passada ha el survegnì il «Grand Prix Musik 2015», in premi che vegn surdà da l'Uffizi federal da cultura e ch'è dotà cun fr. 100'000.-. L'Uffizi federal da cultura scriva: Uschè prest ch'ins numna ses instrument, la oboa, patratg'ins sin l'entir mund vid il num dal musicist svizzer Heinz Holliger.

Per el sez è quai premi stà ina surpresa; il di da la surdada da la distincziun era el a Japan. En La classica tadlain nus co el suna musica da trais cumponists che han adina accumpignà el: Johann Sebastian Bach, Jan Dismas Zelenka e Robert Schumann.

Redacziun: Rosvita Barenius

Autur/a: RTR/cl