Gion Giusep Derungs: Suita romontscha e Fidonza

Ils 15 d'avrigl po in dals impurtants musicists rumantschs festivar ses 85avel anniversari.

Gion Giusep Derungs - cumponist e dirigent.
Legenda da maletgs: Gion Giusep Derungs - cumponist e dirigent. MAD

Cun numerusas cumposiziuns, dentant era sco dirigent ed expert ha professer Gion Giusep Derungs marcà sensiblamain la vita musicala en il Grischun.

La classica da RTR renda omagi al giubilar lumnezian cun emetter ovras dad el dadas dal Rätisches Streichquartett (Suita romontscha, cumponì 1982), da Letizia Scherrer, Maria Riccarda Wesseling, Alvin Muoth, da la Ligia Grischa, da la Südwestdeutsche Philharmonie da Konstanz (Fidonza, cumponì 1994) e dal Calamus-Trio (Sommertag, Tänze aus Graubünden, cumponì 2013).

Autur/a: Giusep G. Decurtins