La chatscha instrumentala

La fevra è puspè qua, la chatscha è partida en la segunda runda. Plaunet sa radunan ils chatschaders puspè en tegia e giaudan anc ina bella saira da chatscha. Ed oz è tut anc ina giada in zic auter: sin las undas rumantschas resuna bella musica instrumentala da chatscha.

In chamutsch en il guaud.
Legenda da maletgs: In chamutsch. KEYSTONE

La chatscha ha adina fascinà, cunzunt ils onns da retgs e prinzis. Là èn era naschidas grondas ovras deditgadas a la chatscha sco per exempel «Le rendez-vous de chasse» da Gioachino Rossini, l'opera «Der Freischütz» da Carl Maria von Weber u «Auf der Jagd» da Johann Strauss. Talas grondas ovras pudais vus tadlar oz, accumpagnà d'anc bleras autras bellas melodias.

Autur/a: Flavio Tuor