Concert da Thomas Rüedi e Philip Cobb a la «Brass Week Samedan»

Dapi intgins onns vegn la Brass Week organisada a Samedan, e quai cun grond success. Durant quell'emna pon students ed amaturs da musica as entupar cun docents e profis per sa scolar e sa perfecziunar.

Il logo da la Brassweek Samedan.
Legenda da maletgs: Brassweek Samedan. MAD

En il rom da quell'emna musicala a Samedan vegnan era fatgs differents concerts, tant dals participants sco era dals docents. In dals puncts culminants da l'ediziun 2017 è stà il concert dal eufonist svizzer Thomas Rüedi ed il cornettist englais Philip Cobb. In concert che RTR ha astgà registrar e che nus preschentain uss fitg gugent a vus – exclusivamain sin las undas rumantschas.

Ils titels en l'emissiun

TitelCumponistInterpret
Sonata Nr 1 D-MollAlessandro ScarlattiThomas Rüedi
SicilienneGabriel FauréThomas Rüedi
Sonate für Trompete und Streicher, D-dur (Z 850)Henry PurcellPhilip Cobb
Jenny Jones. Fantasia on Welsh MelodyWilliam RimmerThomas Rüedi
RustiquesEugène BozzaPhilip Cobb
Vals VenezolanPaquito D'RiveraThomas Rüedi
NapoliHerman BellstedtPhilip Cobb
MazurkaLeonard FalconeThomas Rüedi
Someone to Wach Over MeGeorge GershwinPhilip Cobb
ZigeunerweisenPablo de SarasateThomas Rüedi & Brass Band Bürgermusik Luzern
Café 1930Astor PiazzolaThomas Rüedi & Raphael Christen

Autur/a: Flavio Tuor