Besson Swiss Open Contest

Il Swiss Open Contest ha festivà quest onn ses 30avel. Ina giada dapli èn 10 da las top brass bands da la Svizra sentupadas a Lucerna en il famus KKL per cumbatter per il titel «Swiss Open Champion».

La Brass Band 13 Étoiles durant sia preschentaziun en il KKL.
Legenda da maletgs: La Brass Band 13 Étoiles sin il palc dal KKL. MAD, Brass Band 13 Étoiles

Gia dapi 30 onns diverteschan las meglras brass bands da la svizra a questa concurrenza ch'è gia daditg daventada tradiziun tar ils fans da la scena. Per quella ediziun da giubileum fiss quai bunamain reussì al dirigent rumantsch Corsin Tuor cun sia Brass Band Berner Oberland da defender il titel. Be per 1 sulet punct n'è quai betg gartegià a la BBO, ed uschia è il titel da campiun turnà enavos en il Vallais tar la Brass Band 13 Étoiles. En l'Instrumentala dad oz pudais tadlar differentas preschentaziuns, tranter auter era l'interpretaziun da victoria dal toc da pensum – la legendara cumposiziun «Paganini Variations» da Philip Wilby.

Ils titels en l'emissiun

TITELINTERPRETCUMPONISTPUNCTS
Paganini VariationsBrass Band 13 EtoilesWilby, Philip177
An Epic SymphonyBrass Band Berner OberlandFletcher, Percy172
PageantryBrass Band 13 EtoilesHowells, Herbert168
Journey Into FreedomBrass Band Luzern LandBal, Eric166

Autur/a: Flavio Tuor