Zucchero: «Streets of Surrender (S.O.S)»

Zucchero
Legenda da maletgs: Keystone

Il november 2015 è stà in mais da tristezza, suenter ils attentats sanguinus en il local da concerts Bataclan a Paris, er in temp da ravgia. Quel eveniment tracta er ina chanzun da Zucchero che cumpara uss – bundant in onn pli tard – sco single.

El elavurescha quella tragedia a Paris cun dus da ses buns amis. Cun Bono ha el gia collavurà pliras giadas, ed il chantadur da U2 ha scrit il text deditgà a Paris, ina da sias citads ch'el ama fitg. A la ghitarra è Mark Knopfler, ed els han fatg ensemen in imni ed in statement musical cunter l'odi. E Zucchero chanta: ed uss, en il temp da Nadal, poss decider, da perdunar ubain da ta regurdar.

Autur/a: Jachen Prevost