Udo Lindenberg: «Sonderzug nach Pankow»

sin il palc
Legenda da maletgs: Keystone

Udo Lindenberg ha in plan. Il 1983 vul el far in concert en la DDR da quella giada, pero ils manaders na dan betg il permiss. El è dischillus e fa la chanzun «Sonderzug nach Pankow» cun text umoristic ed ironic, adressà al schef dal parti, Erich Honecker. El ha sia villa a Pankow, il disctrict dals privilegiads en il nord da Berlin, e para taidla el il radio dal vest sin tualetta. Udo vul inscuntrar a «Honni» e baiver cun el in cognac e discuttar la chaussa per survegnir il permiss da far ses concert en il palazzi da la republica. Honecker ha gì pauc gust da la chanzun e Lindenberg l'ha stuì quietar. In october dal 1983 dastga el listess far ses concert en la DDR cun il titel «rock per la pasch». Sia provocaziun ha pero er conceguenzas. La «Stasi» ramassa material da Udo Lindenberg en in dossier da 100 paginas.

Autur/a: Jachen Prevost