Stevie Nicks: «Stop draggin' my heart around»

la chantadura da Fleetwood Max
Legenda da maletgs: MAD

Tut ils amaturs da «Fleetwood Mac» han sia vusch en l'ureglia pervi da hits sco «Little Lies» ubain «Go your own Way».

La californiana Stevie Nicks é chantadura e cumponista da la band legendara, cun quella ha ella fatg 7 discs ed ha vendi sur 100 milliuns portatuns. Tar ella datti pero er in'autra carriera, ina paralella: sco solista ha ella fatg 8 discs, ed er quels cun success. Ses pli grond hit è stà «Stop draggin' my heart around», l'emprima single da ses emprim disc «Bella Donna» dal 1981.

Quel disc cumpara uss sco versiun nova, surlavurada ed er cun registraziuns inedidas dal viv u dal studio. Insatge resta: Ina vusch sco quella da Stevie Nicks datti be ina giada, e lura udin nus anc quella rauca da Tom Petty, che ha cumponì quella giada quel hit e che l'accumpogna.

Autur/a: RTR/jp