Status Quo: «Down, down»

Francis Rossi e Rick Parfitt
Legenda da maletgs: Keystone

Gia il 1962 han fundà il ghitarrist Francis Rossi ed il bassist Alan Lancaster lur emprima band, quai cun 13 onns. 6 onns pli tard èn vegnids Rick Parfitt e John Coghlan e Status Quo han lantscha in'istorgia da success che dura fin oz. Lur emprim grondischem hit datescha dal 1975:
«Down, down» è daventà lur unic hit nr. 1 en Gronda Bretagna. Lur segn da marca: las ghitarras, il chant cun pliras vuschs e surtut il ritmus. Quel sound che vegniva numnà «Boogie Rock» è daventà la basa per blers auters da lur hits sco «Whatever you want», «What You're Proposing» ubain «Again and again», in titel ch'ins pudess dovrar bain per descriver lur recept. Quai che ha funcziunà ina giada, funcziuna adina. Per blers era il sound da Status Quo plitost simpel, repetitiv e lungurus, però surtut «Down, Down» mussa er las qualitads da Status Quo e che lur musica ha fascinà a blers.

Autur/a: Jachen Prevost