Sinéad O'Connor: «Nothing compares 2 U»

Oz ha ella ses 50avel. Ina da las chantaduras cun las pli bellas vuschs, ina persunalitad che procura per cuntraversas e ch'è savens er chapriziusa.

la chantadura da l'Irlanda
Legenda da maletgs: sin il palc Keystone


L'emprim success da la chantadura irlandaisa Sinéad O'Connor è da chattar sin ses segund disc, e quella chanzun è er restà ses pli grond hit ed unic nr. 1: «Nothing compares 2 U», ch'ella aveva emprestà da Prince. El l'aveva cumponì il 1984 per in da ses projects laterals, per la band «The Family», però quella versiun è restada senza success.

Sis onns pli tard ha fatg Sinéad O'Connor sia versiun, sco single da ses segund disc «I Do Not Want What I Haven't Got». In success enorm: Nr. 1 en la Gronda Britannia, en America, Germania, Irlanda, Australia ed en Svizra. E lura anc il video cun Sinéad O'Connor en in parc a Paris, cun sia fatscha e sias fermas expressiuns da tristezza e ravgia – ed a la fin sias larmas che culan sur sia fatscha.

Autur/a: Jachen Prevost