R.E.M.: «Man on the moon»

Il chantadur da la gruppa R.E.M. durant in concert
Legenda da maletgs: Il chantadur da la gruppa R.E.M. durant in concert Keystone

En la sparta da musica dal uschenumnà Alternative Rock è R.E.M. ina da las bands cun il pli grond success. Durant sia carriera ha la band americana gia vendì var 85 milliuns albums. In dals albums il pli enconuschents è cumparì avant 25 onns e sa numna «Automatic for the people». Part da quel fa la chanzun «Man on the moon». Quella è in omagi ad ina persunalitad speziala americana: Andy Kaufman. In um che ha fatg furora durant sia vita e ch'è er anc plirs onns suenter sia mort tema da pliras legendas modernas.

Autur/a: Dominic Pohle