Pink & Nate Ruess: «Just give me a reason»

Pink e Nate Ruess chantan ensemen
Legenda da maletgs: Pink e Nate Ruess chantan lur duet. KEYSTONE

Nate Ruess na leva atgnamain betg registrar ensemen cun Pink questa ballada da success. Ses plan: scriver la chanzun ensemen cun Pink e basta. Mo lura ha Pink supplitgà el da registrar in demo cun ses chant per ella. Per ch'ella possia sa metter meglier en la situaziun da conversaziun da la chanzun. Cura che Pink ha survegnì il demo da Ruess ha ella chantà vitiers, maschedà e montà ensemen las duas vuschs e cun quai era piglià Nate Ruess. In pitschen tric da Pink per il qual Ruess è franc stà engraziaivel ad ella.

Autur/a: Flavio Tuor