Paulin Nuotclà: «Il prüm milliun»

Paulin Nuotclà a la ghitarra durant in concert.
Legenda da maletgs: Il chantautur rumantsch Paulin Nuotclà en concert. Posta Ladina

Al principi dals onns 70 na deva quai betg musica da pop e rock per rumantsch. Fin che Paulin Nuotclà, magister da dissegn, artist, dissegnader da comics, restoratur e musicist, ha fatg las emprimas chanzuns.

Quellas èn vegnidas registradas dal 1974 dal Radio Rumantsch, e pauc pli tard ha el lura pudì ir a registrar cun band en il studio Sunrise a Kirchberg. La platta da vinil «Che fain'ho ?» è sta in success: suenter be 2 emnas eran vendids 300 tocs da l'emprima ediziun, ils proxims 500 tocs suenter 2 mais, ed ina firma da distribuziun svizra ha lura postà anc 3'000 exemplars. Fitg bler per l'emprim disc d'in chantautur rumantsch. Il success da tocs sco «Il prüm milliun», «La corda e la sua» e «La muntogna da glatsch» han fatg via per auters, e pop e rock rumantsch è daventà insatge dal pli normal per la giuventetgna rumantscha.

Paulin Nuotcla: «Il prüm milliun»

Autur/a: RTR/jp