Nick Cave & Warren Ellis – «Dollar Bill Blues»

Nick Cave
Legenda da maletgs: Keystone

«Hell or High Water», il film da David Mackenzie, va sut la pel. Pajais desert e nauschas perspectivas en las vastezzas dal Texas. L'unica pussaivladad per schliar problems finanzials: assaglir bancas. Per in film sco quest dovr'ins musica che sustegn e rinforza ils purtrets e l'acziun.

In che sa far balladas da bellezza davart criminals e morders è Nick Cave. L'australian ha fatg avant 20 onns il disc «Murder Ballads», stgir e morbid. Uss ha el fatg la musica per «Hell or High Water», cun ses ami e collega Warren Ellis. Ils tocs instrumentals han els cumponi sez, divers auters han els surpiglià ed interpretà en lur maniera unica, sco il «Dollar Bill Blues». Gia l'original dal chantautur texan Townes van Zandt è impressiunant, en la versiun da Cave ed Ellis è quella anc pli dramatica, ins po sentir quell'atmosfera da vest sulvadi e la desolaziun – e bainbaud capita insatge!

Autur/a: RTR/jp